Аляксей Пікулік, Максім Знак, Аляксей Лашук, Алена Ракава, Марына Рошчына

Беларусь мае шанцы апынуцца ў трыццатцы краінаў, найбольш прыдатных для вядзення бізнесу, паводле метадалогіі справаздачы Сусветнага банку "Doing Business Report" ужо ў 2012 г., прычым не змяняючы асноваў эканамічнай палітыкі – такія высновы аналітычнага дакладу Беларускага інстытуту стратэгічных даследаванняў (BISS).

Ацэньваючы змены заканадаўства, што ўступілі ў сілу да моманту правядзення даследавання, аўтары дакладу прапануюць комплекс мер, якія дазволяць ураду выканаць задачу, сфармуляваную Аляксандрам Лукашэнкам у 2008 годзе.

Беларускі інстытут стратэгічных даследаванняў, Беларускі фонд публічнай палітыкі і Агенцтва гуманітарных тэхналогіяў прадстаўляюць даследаванне “Сайты малых гарадоў Беларусі ў кантэксце гарадскога развіцця”.

Беларускі інстытут стратэгічных даследаванняў (BISS) і Беларускі фонд публічнай палітыкі (BPPF) прадстаўляюць даследаванне “Кантрактацыя ў сферы арганізацыі грамадскіх перавозак: еўрапейскі вопыт і выклікі для Беларусі”.

У даследаваннях стыпендыята Беларускага фонду публічнай палітыкі Дзмітрыя Бабіцкага прапануецца кароткае бачанне кантрактацыі паслугаў у сферы грамадскіх перавозак у еўрапейскай практыцы, акрэсліваюцца галоўныя праблемы арганізацыі працы грамадскага аўтамабільнага транспарту ў Беларусі. У выснове даюцца некаторыя рэкамендацыі па ўдасканаленні сістэмы дзяржаўнага рэгулявання гэтага сектара.

Беларускі інстытут стратэгічных даследаванняў і Беларускі фонд публічнай палітыкі прадстаўляюць даследаванне “Спадчына як аб’ект і суб’ект грамадзянскай супольнасці”.

Комплекснае даследаванне Сцяпана Стурэйкі і Алены Паддубскай улучае праблемы юрыдычнага забеспячэнне аховы спадчыны, ролі няўрадавых арганізацыяў у сферы аховы гісторыка-культурнай спадчыны, ўдзелу СМІ ў ахове гісторыка-культурных каштоўнасцяў, праблемы адукацыі як фактара ўстойлівага развіцця інстытута аховы помнікаў. Гісторыка-культурная спадчына ў працы разглядаецца таксама ў якасці суб’екта функцыянавання грамадзянскай супольнасці.