Беларускае грамадства выключна прагматычнае ў сваім геапалітычным выбары, ў сілу чаго любы выбар, зроблены на падставе выключна грамадскіх прыхільнасцяў, будзе няўстойлівым і будзе зазнаваць пастаянныя ваганні. Такая асноўная выснова даследавання “Беларусь і свет: геапалітычны выбар і бяспека скрозь прызму эканомікі і культуры”, праведзенага Беларускім інстытутам стратэгічных даследаванняў (BISS) сумесна з лабараторыяй аксіяметрычных даследаванняў НОВАК.

22 красавіка 2010 г. у сталічным гатэлі Crowne Plaza адбылася прэзентацыя даследавання беларускіх палітычных эліт, што праводзілася сумесна Беларускім інстытутам стратэгічных даследаванняў (BISS) і Інстытутам палітычных даследаванняў “Палітычная сфера”.

Беларуская мова і культура маюць шырокую прастору для распаўсюду ў сучасным беларускім грамадстве і важную ролю ў працэсе нацыянальнага будаўніцтва ў краіне. У той жа час, адвакаты беларускай мовы мусяць улічваць склаўшуюся культурную сітуацыю і прытрымлівацца стратэгій, якія маюць шанец на прыняццё ў грамадстве. Гэтая думка дырэктара BISSВіталя Сіліцкага была лейтматывам прэзентацыі вынікаў даследчага праекту “Нацыянальная ідэнтыфікацыя ў сучасным беларускім грамадстве”, што адбылася ў Мінску 12 кастрычніка 2009 года. Праект праводзіцца BISS разам з яго партнэрам, лабараторыяй аксіяметрычных даследаванняў “НовАК” у падтрымку грамадскай культурніцкай кампаніі “Будзьма беларусамі!”